aming aminoedhin
SWARGA ORA BISA DITUKU
dina-dina sing mlaku kaya-kaya mburu awakmu
ana polah kang salah kaprah tanpa arah
dina-dina mburi iki kaya langit werna peteng
ireng njanges kaya langese senthir
peteng ndhedhet ana telenge atimu
ati-ati nek kena lara kenthir
ana panah kang wus kok uculake
saka gandewane, mlayu tanpa arah
apa bisa kabeneran iku kok bengkokake
urip mono mung sakderma mampir ngombe
ora susah gawe laraning liyan, apa maneh
rumangsa menang dhewe
dina-dina mlaku katon mlayu nguber awakmu
ana jam kaya ora mlaku. atimu kaya beku
ora ana swarga kang bisa dibayar karo dhuwitmu
swarga mono ora bisa dituku
Siwalanpanji, 28/7/2009
berbekal yakin pasti / berpayung iman nan suci / berusaha sepenuh-ikhlasnya hati / berdoa tiada henti / segala cita / segala damba / akan tergapai nanti
Tidak ada komentar:
Posting Komentar